يـا الـقهوَهْ الـمـرَّهْ أحـبِّـكْ عـلىَ الـرِّيجْ
كـمْ طـابْ يا السَّمرا بشربكْ مزاجي
حـكـايتي ويَّــاكْ فـي حـزَّةْ الـضِّيجْ
يــامـا جـلـيتي لـيـعتي وإهـتـياجي
يـاكـنِّـكْ إنـتـي واحــدهْ مِ الـمـخاليجْ
أَوْ كَـنْ فـي شربكْ محصِّلْ علاجي
سـكنْ غـرامكْ وإخـتفا في المعاليجْ
وأعـلنتْ لكْ شوقي وطولْ إحتياجي
دونــكْ صـباحي مـايجي بـالتِّوافيجْ
حـتَّي ولـوُ عـندي أبـوُطَرفْ سـاجي